Mu’asasada Sh Maxamed Macallin waa mu’asaso Soomaaliyeed oo ka shaqaysa tacliinta . dacwada & horumarinta , waxaana aasaasay qaar ka mid ah culimada Soomaaliyeed si kor loogu qaado heerka aqoonta shareecada & nolosha bulshada Soomaaliyeed 30 Luulyo 2020 .
Mu’asasada waxay ka diiwaan gashan tahay Wasaaradda Arrimaha Gudaha Soomaaliya & Wasaaradda Arrimaha diinta .
Mu’asasada waxay xafiisyo ku leedahay maagalada Muqdisho & magaalada B/weyne.
Ujeedooyinka Mu’asasada:
Faafinta cilmiga sharciga ah & guud ahaan aqoonta diineed
Kor-u-qaadista wacyiga & aqoonta bulshada Soomaaliyeed
Daryeelka agoonta & taakulaynta ardayda danyarta ah
faafinta jacaylka,walaaltinimada , wadajirka iyo isu- naxariisashada ummadda dhexdeeda
Bixinta adeegyada waxbarashada iyo horumarinta iyadoo lala kaashanayo hay’adaha kala duwan ee ay khusayso
Horumarinta xirfadaha iyo kartida xubnaha bulshada si ay ugu suurtagasho inay si togan uga qayb qaataan horumarka.
Ka qayb qaadashada dib u heshiisiinta bulshada iyo xoojinta nabadda bulshada dhexdeeda.
Hiigsiga Mu’asasada :
In ay noqoto hormuudka hay’adaha ka shaqeeya dacwada & horumarinta Soomaaliya
Fariinta Mu’asasada :
Mu’asasadu waxay ka shaqaysaa inay bulshada ugu yeerto wanaagga iyo khayrka iyo inay xoojiso barnaamijyada waxbarasho iyo horumarineed si waxtar leh oo ku dhisan hufnaan & daahfurnaan.
Dhinacyada ay ka shaqayso :
Mu’asasada waxay ka shaqaysaa dhinacyada soo socda :
Dacwada
Tacliinta
Daryeelka agoonta & saboolka
Horumarinta bulshada
Gargaarka
Degaanada:
Mu’asasadu waxay ka hawlgashaa dhammaan gobollada Soomaaliya & deegandeeda kal duwan.